ဆောက်လုပ်ရေး ပရောဂျက် တစ်ခု အောင်အောင်မြင်မြင် ပြီးဆုံး နိုင်ဘို့ အတွက်
Construction Project Management လို့ ခေါ်တဲ့ ဆောက်လုပ်ရေး ပရောဂျက် စီမံခန့်ခွဲ မှု စနစ် တွေ က အရေးပါပါတယ်။
Construction Project Management ဒီလို ပြောလိုက်ရင်
Site ထဲက ကန်ထရိုက်တာ တွေ ရဲ့ ပရောဂျက် မန်နေဂျာ လုပ်ရတဲ့ အလုပ်လို့ပဲ မြင်တဲ့သူ တွေ ရှိပါလိမ့်မယ်။ ပိုင်ရှင်၊ အင်ဂျင်နီယာ၊ ကန်ထရိုက်တာ၊
ဆဗ်-ကန်ထရိုက်တာ၊ ဆောက်လုပ်ရေး ပစ္စည်း ရောင်းသူ အပါအဝင် အားလုံးနဲ့ ဆိုင်တဲ့ ကိစ္စ လို့ ပြောရင် သဘောတူချင်မှ တူကြပါမယ်။
ဒါ့အပြင် ဒီ ဆောက်လုပ်ရေး စီမံခန့်ခွဲမှု စနစ် က ဆိုင်းဘုဒ် မထောင်ခင် ပဝေသဏီ ကတည်းက၊ ပရောဂျက် တစ်ခု စဘို့ ရည်ရွယ်တဲ့ အခြေအနေ၊ ဖြစ်နိုင် မဖြစ်နိုင် သုံးသပ်တဲ့ အခြေအနေ က စလို့ ဒီဇိုင်းလုပ်တာ၊ ဆောက်လုပ်တာ အပါအဝင် အောင်အောင်မြင်မြင် ပြီးဆုံးသွားတဲ့ အချိန် ရဲ့ အလွန်ပိုင်း အထိ အကျုံးဝင်ပါတယ်။
ဒီ ခေါင်းစဉ် ရဲ့ အောက်မှာ ရှိတဲ့ အချက်တွေ ကို ကြည့်မယ် ဆိုရင်…
- Contract Administration (ကန်ထရိုက် ဆိုင်ရာ စီမံခန့်ခွဲမှု)
- Cost Estimating (ကုန်ကျစားရိတ် ခန့်မှန်းခြင်း)
- Planning & Scheduling (ကြိုတင်စဉ်းစား ပြင်ဆင်ခြင်း (ဝါ) လျာထားခြင်း နှင့် အစီအစဉ်ရေးဆွဲခြင်း)
ရယ်လို့ တွေ့နိုင်ပါတယ်။
ဒီအပိုင်းတွေ မှာ သက်ဆိုင်ရာ ကျွမ်းကျင် ပညာရှင်တွေ ရှိပါတယ်။ အချို့ က အင်ဂျင်နီယာ နဲ့ ဆိုင်တဲ့ ဘွဲ့ရသူတွေ ဖြစ်ချင်မှ ဖြစ်ပါလိမ့်မယ်။ ဒီအပိုင်း မှာ လုပ်နေတဲ့ သူတွေ က အင်ဂျင်နီယာ တွေ ဆီ က အချက်အလက် ကို မှီငြမ်း၊ အင်ဂျင်နီယာ တွေ နဲ့ အတူတွဲပြီး လုပ်ရပါတယ်။
ဆိုလိုတာ က ဒီ အလုပ်တွေ ရဲ့ အစိတ်အပိုင်း တော်တော်များများ ကို အင်ဂျင်နီယာ တွေ လည်း ပူးတွဲ တာဝန်ယူ ရတာ ဆိုတာ သိစေချင်တာပါ။ ဒါကြောင့် အင်ဂျင်နီယာ တွေ အနေနဲ့ ပရောဂျက် စီမံခန့်ခွဲမှု စနစ်တွေ ကို အထိုက်အလျောက် နားလည် နေဘို့ လိုအပ်ပါတယ်။
တစ်ပြိုင်တည်းမှာ ပဲ ပရောဂျက် ကောင်းတစ်ခု အောင်အောင်မြင်မြင် ပြီးဆုံးသွားအောင် အင်ဂျင်နီယာ တွေ က ပဲ လုပ်သွားလို့ မရတာ သတိပြုဘို့ လိုအပ်ပါတယ်။
Team-work ကောင်းဘို့ လိုအပ်ပါတယ်။ သင့်တော်တဲ့ ကျွမ်းကျင် ပညာရှင်၊ နည်းပညာ၊ လူအင်အား၊ စက်အင်အား၊ အတွေ့အကြုံတွေ လိုအပ်ပါတယ်။
အကျင့်ပျက် ခြစားမှု တွေ မရှိတဲ့ နေရာ မှာတောင် ဆောက်လုပ်ရေး ကန်ထရိုက် စနစ်တွေ မှာ အငြင်းပွားမှု တွေ၊ စည်းဖောက်မှုတွေ၊ ပြဿနာ တွေ အမျိုးမျိုး ဖြစ်နိုင်ပါတယ်။ ပြဿနာ မဖြစ်ချင်ဘူး ဆိုပေမဲ့ ကြိုမမြင် နိုင်တဲ့ အချက်တွေ၊ မထင်မှတ်ပဲ ပြောင်းလဲတဲ့ အခြေအနေ တွေ၊ နုတ်ကတိ နဲ့ ကန်ထရိုက် ထဲ မပါတာတွေ လုပ်ပေးရတာတွေ၊ လူပေါင်းစုံ မို့ နားမလည်ပဲ တလွဲလုပ်တာတွေ၊ မတော်တဆ မှားယွင်းတာတွေ၊ ဆုံးဖြတ်ချက် မှားတာတွေ၊ ဆုံးရှုံးမှု တွေ၊ အမျိုးမျိုးပါ။ သဘောမတူ တာတွေ ကို အချင်းချင်း ညှိနှိုင်း လို့ မရတဲ့ အခါ တရားစွဲ၊ အမှုဖြစ် တရားရုံးရောက် တော့တာပါပဲ။ ဥပဒေ အရ ကြည့်ရင်လည်း တရားခွင် မှာ အမှုအထွေထွေ မကြာခန တွေ့ရပါတယ်။ ဒီအခြေအနေ ကို အင်မတန် စည်းကမ်းကြီး၊ စနစ် ကျတဲ့ စ လုံး နဲ့ ယူအက်စ် မှာတောင် မကြာခန တွေ့ရပါတယ်။
စလုံးက ကုမ္ပဏီကြီးတွေ မှာ
Legal Department ရှိလေ့ရှိသလို၊ ယူအက်စ် ကုမ္ပဏီကြီးတွေ မှာ
Legal Department ရှိလေ့ရှိပါတယ်။ ဖြစ်လာနိုင်မဲ့ အငြင်းပွားမှု တရားတဘောင် တွေ ကို ရှောင်နိုင်အောင် (သို့) ခံခဲ့ရဘူးတဲ့ အမှားထပ်မခံ ရအောင် ဥပဒေ ပညာရှင် တွေ ရဲ့ ပါဝင်ပတ်သက်မှု ရှိရပါတယ်။
ကန်ထရိုက် နဲ့ သက်ဆိုင်တဲ့ စည်းမျဉ်းစည်းကမ်း တွေ က သိမ်မွေ့ပါတယ်။ အခြေအနေ ပေါ်မူတည်ပြီး လှေနံဒါးထစ် လုပ်လို့ မရတဲ့ အခြေအနေ တွေ လည်း အများကြီးပါ။ ဒါကြောင့်မို့ သူ့စည်း၊ ကိုယ့်စည်း၊ သူ့တာဝန်၊ ကိုယ့်တာဝန်၊ သူ့ရပိုင်ခွင့်၊ ကိုယ့်ရပိုင်ခွင့်၊ သူ့လုပ်ပိုင်ခွင့်၊ ကိုယ့်လုပ်ပိုင်ခွင့် ဆိုတာ တွေ ကို သေသေချာချာ နားလည် နေဘို့ လိုအပ်ပါတယ်။
ဒီအတွက် သင့်တော်တဲ့ လုပ်ထုံးလုပ်နည်း တွေ ရှိဘို့ လိုအပ်သလို တရားဥပဒေ နဲ့ ဥပဒေ အရ ထိထိရောက်ရောက် ကာကွယ်မှု၊ အပြစ်ပေးမှု တွေ လည်း ရှိဘို့ လိုအပ်ပါတယ်။
စည်းစနစ် ကျတဲ့ ကန်ထရိုက်တာ လိုင်စင်၊ လိုအပ်ချက် နဲ့ လုပ်ပိုင်ခွင့် တွေ လည်း ရှိဘို့ လိုအပ်ပါတယ်။
နောက်တစ်ပါတ်မှာ
Contract Administration နဲ့ ဆက်လက် မိတ်ဆက်ပေးပါမယ်။
No comments:
Post a Comment
I would like to request valuable professional comments Related to the TOPICS ONLY for the benefits of new engineers.
For convenience, it is open to anyone. However, to prevent spam, it will be moderated.
I deeply appreciate comments showing Gratitude or "Thank you!" personally. I'll treat these as personal unless other comments are included, and will NOT be published as comments. Thank you for your kind "Compliment" which give me energy to write-on.
If you could leave your email, it will be used only for comments moderation and related reply.
Thanks for your professional comments !
p.s. Recently Many Spam Comments ( Drug Advertisement / Sex Site, etc.) were received and Word Verification was shown, Sorrowfully .
Sorry for any inconveniences caused...